O ALUMNADO DE 1º BACH ACODE AO TEATRO PRINCIPAL PARA FALAR CON IGNACIO VILAR SOBRE AS ORIXES DO TEATRO GALEGO

Dentro do proxecto de Dinamización da Lingua Galega "Comer e falar todo é comezar" o Departamento de Francés e o EDLG coa colaboración da Deputación de Pontevedra publican un receitario francés-galego con receitas recollidas polo alumnado de francés.

QUE SABOROSO!

DÍA DAS LETRAS GALEGAS 17 DE MAIO

2023

FRANCISCO FERNÁNDEZ DEL RIEGO

       

O noso alumnado coñece a Pontevedra sentimental de Francisco Fernández del Riego e fai a súa propia Pontevedra sentimental: A PONTEVEDRA SENTIMENTAL DO IES VALLE-INCLÁN

IMOS BAILAR!

O alumnado de 3º ESO participou nun obradoiro de danza tradicional impartido polo profesor Gabi Reboredo da Asociación Trepia coordinado polo Departamento de Música e o EDLG

O chef Pepe Solla visita o IES Valle-Inclán como actividade do proxecto do EDLG "Comer e falar todo é comezar" organizada por este e polo Departamento de Ciencias Naturais , e fala co alumnado acerca da relación entre a ciencia, as mateirias curriculares e a nosa gastronomía. Asemade a rapaza ten no chef un referente en lingua galega.

https://www.lavozdegalicia.es/noticia/pontevedra/pontevedra/2023/04/20/pepe-solla/00031681987919508679125.htm

CLAUSURA DO MES DA POESÍA

Un grupo de alumnas de diferentes cursos e o profesor de Lingua Galega e Literatura e poeta Antón Blanco Casas nunha actividade organizada polo Departamento de Música a cargo da profesora María de los Santos Gago cos seus arranxos tamén ao piano e a coordinadora do EDL, Teresa Vázquez, realizan unha actividade na biblioteca do centro para despedir como se merece a poesía. En palabras de Cunqueiro: mil primaveras máis para a lingua e a poesía!

                                                                   

                                                                       

21 DE MARZO DÍA MUNDIAL DA POESÍA

Chega a primavera e chegan as andoriñas que traen a poesía! O noso alumnado conmemora o Día Mundial da poesía ilustrando poemas dos nosos/as auotes e autoras e traducíndoos ao francés en colaboración cos profesores Elisabete de Carvalho e Kevin Djourdem.

    

CONMEMORACIÓN DO 8M DÍA INTERNACIONAL DA MULLER

O alumado de 1º de Bacharelato traballa o sexismo da fraseoloxía demostrando que responde a unha visión patriarcal que non se corresponde coa realidade.

“Gastronomia e Língua” IES Valle Inclán de Pontevedra

ENTREVISTA DE JOSÉ MANUEL GARCÍA NO PROGRAMA COMER E FALAR DE SI RADIO AO EQUIPO DE DINAMIZACIÓN DA LINGUA GALEGA DO NOSO CENTRO

O pasado domingo 29 de xaneiro emitiuse en Si Radio no programa Comer e falar todo é comezar a entrevista feita por José Manuel García á coordinadora de Dinamización da Lingua Galega, ás alumnas Ángela Lago e Claudia Veiras e ao alumno Francisco Penhalver de 1º de Bacharelato sobre o proxecto gastronomía e lingua que se está a levar a cabo no noso centro.

José Manuel García anuncia a entrevista á coordinadora de Dinamización da Lingua  Galega, Teresa Vázquez, e ao alumno e ás alumnas de 1º de BACH, Ángela Lago, Fran Penhalver e Claudia Veiras, o domingo 29 de xanerio ás 13.00 h no programa Comer e falar todo e comezar de Si Radio.

https://www.facebook.com/Josemgarcia/videos/932274077773944/?idorvanity=120917116688

O noso proxecto de dinamización da lingua galega no programa Comer e falar todo é comezar de Si Radio.

https://www.facebook.com/Josemgarcia/videos/1100233003978421/?idorvanity=120917116688

O galego tamén noutros mundos

Pensas que o galego só se fala dentro das nosas fronteiras?
Cres que o galego só se estuda en Galicia?
Consideras que escritores doutras linguas escolleron o galego para a súas propias composicións?
Sabías que hai escritores galegos que foron traducidos a outros moitos idiomas?
Vén visitar a exposición O galego tamén noutros mundos e averiguarás a resposta!

X CONCURSO DE POSTAIS DE FELICITACIÓNS DE NADAL IES VALLE-INCLÁN

Hoxe, 22 de decembro, o director, Daniel Mejuto, a coordinadora do EDLG e a Xefa do Departamento de Educación Plástica e Audiovisual, membros do xurado do X Concurso de Postais de Felicitacións de Nadal fixeron entrega do 1º premio, 2º premio, 3º premio e mención especial ás postais gañadoras. Moitos parabéns ás alumnas gañadoras!

1º premio Inés Reyes Lareiro 1º BACH B

2º premio Daniela Penido Villar 2º ESO A

3º premio Carla Fontenla Curra 2º ESO A

Mención especial para Irene Caldelas Carracedo 3º ESO A

As postais participantes foron expostas na entrada do centro